الله المعطي وسبحانه كريم

جلّ من يعطي العطيات الجزال

خالق (ن) الكون وبسرّه عليم

الشكر له والثنا عَزّ الجلال

البشاير جاتنا عصرٍ قديم

قالوا إنّه جالكم ضمد الرجال

ارحبوا يا ترثة الجد القديم

صيرميٍ ما يهاب من القتال

ارحبوا واعداد من زار الحطيم

وعد ما هلّت شخاتير المخال

يوم جا عبدالله جا الخير العميم

وسالمٍ خيره كثير بلا جدال

كان قبل اقدومكم في الجو غيم

ويوم جيتوا زيّن الله كل حال

كل منكم له وصاتي يافهيم

لا تجاوب قبل ما تقرا السوال

واِن غدا العربان في سين وجيم

مالك ومال الحكايا اللي طوال

وفي الامور الكايدة خلّك حليم

لا تجي مثل المصيّح في الدحال

وهرجتك لي قلتها خلّك حكيم

وكلمتك تاتي على قدّ المقال

ولا تجادل واحدٍ رايه عقيم

خلّه يحصّل على قدّه مثال