يامرحبا وأرحب تراحيب الامطار

يانور نجمٍ ساكنٍ في مجرّه

يامعركة قلبين في دفتر أشعار

ياتاج معنى القاف خيره وشرّه

حيّاك ياضيفٍ لفاني بالاسحار

سبحان ربّي كيف زيّن مقرّه

بين الحنايا حل وأشعل بها نار

وأصبحت أنا ضيفه على حر جمرّه

شيخٍ ويقلب عادة الضيف لا زار

وألا من الواجب علي شيل قدرّه

ماله مكان وموطنه كل الاقطار

بالبر نيشانٍ وبالبحر درّه

حبٍ لمن له داخل الجوف مقدار

ياطر جيبي ياهل العرف طرّه

يفداه عمرٍ ينتظر جيته مار

ويفداه قلبٍ ماخضع يوم مرّه

ألا لربٍ عالمٍ كل الاسرار

الواحد اللي حكم الاقدار بمرّه

من هو غريب يعيش في حكم الاقدار

له في الهوى والعشق مليون نظرّه

لايفهمه قاصي ولا ساكن الدار

ويطمح بمن هو يسعده مايظرّه

واللي فزع لي من عريبين الاشبار

خلٍ كما الفارس بكرّه وفرّه

له ميزةٍ عدّت على حد الافكار

دامه يزّر الجرح بيده يزّره

لا قال أحبك جاتني نشوّة الزار

لا شالوا السامر طرّب ماتسرّه

كل الجمال اللي عرفتوه محتار

وسط المحيط يصير ياهوه قطرّه

حتى خيال الفكر في وصفه أنهار

من هو شبيه له بمثقال ذرّه

الوصف ويش الوصف في وصفه يغار

ضاعت علومه ماقدر مات حسرّه

تكفون يالحساد لو صار ماصار

نفسي يشارك دورة الدم فرّه

وأحس طيفه سر وأقوله جهار

وأبيّن أحساسه ولو جار حرّه

وألا السحاوي لا أستحى يسكن شهار

ماهو بمثلي بحر الاشواق جرّه