دعونا هل العادات كل ابلج وحصان

ولفينا نبارك ونتشرف لجيتهم

من الشرق وجهنا بعد مالت مسيان

عنينا لهم صوب الوعد من محبتهم

سلالتة ابن مهره لاذب الجبل كوبان

الى زعزعو اللوفا انتفاخر بهيتهم

غياثين والنا عرق معهم قديم ازمان

قريبين جد وعسى الجنه لميتهم

غياثين لارد البرا والعلوم اشيان

تزين بحضور الاد مره وفزعتهم

غياثين وبكل ديره لهم مكان

جميع الدول فيها المناعير سمتهم

اهل كون واهل عون للي بهم زباَن

تدور السنه وتزيد مامل جيرتهم

عزيزين قوم وعزهم يلحق الجيران

على العز والناموس تِذكر معزتهم

حكام المجالس فاللقاء ترهب الفرسان

سِبع الغاب يشبع لاتتبع جريرتهم

ياكم من عقيد جندلوبه وهو له شان

تسابق عليه عيالهم معى شبيتهم

هل الجود شمطان اللحى في الزمن لاشان

وهل المد لو عُسر الليالي تحدتهم

كريمين سبلا تذبح الحيل والحيران

تقلط لضيف وجار وتعم حارتهم

مع ملال در،وعود ، مع دلة الرسلان

بهيل الحبش تغذى وقدهي طبيعتهم

وترى هم النا سيف عدام على الاوتان

وحنا لهم يمنى ترفع الفوق رايتهم

اقوله وانا من لابة لارقص شيطان

يموت بحياته عاده يشوف غارتهم

مثل ماحصل في مامضى وش جرى وش كان

هل الريع واهل العد وعلوم ردتهم

ترى العود خلَف عود لاولع الدخان

لاعاد الزمان مغبرٍ بان ترثتهم

ولانقصر الخير ولانهثم العربان

وجميع القبايل حقهم دون شارتهم