بِسْم منزل الأنجيل ومنزل التورات 

وبالقرآن خَص أمة محمد وهاديها

أبدى نظم قيفان الشعر عذبة عجلات 

وحنا يام نأخذ للجمايل ونعطيها

فيا مرحبا بالكلمة اللي علينا جات 

من الشاعر اللي كلمة الحق يبديها

بالترحيب يام لعنزه ترفع الأصوات 

وعادات ربعي لِلَجْمايل تكافيها

ارحب يا مفضي عد لحيا ومن قد مات

وعدد ما تلوح بروق والرعد قافيها

ارحب يا سليل المجد ومحارب النعرات

ارحب يا ضنا وايل مجمل نواصيها

ارحب يا الربيلي بِسْم يام هل النالات 

بِسْم شاعر لك جزل لبيات يهديها

ارحب يا ولد قوم لهم بالفخر صولات

قوم تمنع الخائف وتقهر معاديها

قوم كايده بين القبايل لها ميزات 

وفِي شبه الجزيره ما لها من يضاهيها

من قوم عنزه منسب ملوك لهم هامات

هامات رفيعات ما شيء ن يوطيها

وقد قال المثل في مضى بعنزه كلمات 

تبرهن لحاضرها وتشهد لماضيها

يقول المثل قوم عنزه بالحروب آفات 

وكل ولا قوم عنزه عند حاضيها

وسبعين نعم يا هل العز والشيمات 

يا زبن الدخيل وسعد رجل يخاويها

وجميع القبايل في وطنا لهم بصمات

ولهم في المراجل والشيم ما يمضيها

وببنا القبايل كل رجل ن وله حزات 

وتذكر صفات في فعوله مواريها

آقوله وانا من لابة تعشق الفزعات 

بيوم الوغا تقبل تخافق جنابيها

قوم تسمح الزلات وتجازي الحسنات

سم للخصيم وبلسم اللي يواليها

وكما قيل عند الله في محكم الآيات 

اكرمكم من التقوى بنفسه تزكيها

وصلى الله وسلم عدد ذاري النسمات 

عَلى المرسل بنهج الشريعه ومحييها