تثيّر بي الجنون وانتثرلك شوق ياجدي

تشب بي المحاني واحترق كلي على شانك

على زند الرجوله واقفه ياشيخ من قدي؟

زهيت بميزةٍ ذلت شموخك لي وعصيانك

ابا اصوغ القصايد لك بلاحد ولاردي

وابا اسوق الركايب لك تهز ركاب وجدانك

سيوفك كلها( حكلى) واناعيوني لهاحدي

ورى ماتسنن سيوفك وتطلق صهوة حصانك ؟

ابتحداك ياجدي وابيك اليوم متحدي !

على جمع الملا ف ظنك من اللي يكسب رهانك ؟

انا غندورة ماللغرور فداخلي حدي !

وعلى عرش العناد اطلب تمرجحني بميزانك

انا جامح ولا صخيت لأطلق فارس سدي

ولازعزع شعاع النفس يالمجنون هجرانك !!

انااسمي الراسيه ياللي على السادات متعدي

ولو طرفي دنا لمثلك يحطم شامل اركانك

انا اسمي الراسيه غصبا على من كان هو ضدي؟؟

وابي تعرف ترى ساسي يزعزع ساس جدرانك

نثرت اغلى سيوف الموت تسجد لك على خدي

ابي ترفع لي الهامه واعلّي ف الملا شانك

انا ودي اسوق الهجن لعيونك وما ودي

اخاف ضعونهم تشغل عن الشعّار شيطانك

انا من جدي احيا بك واحيا فيك من جدي

واموت ان ولعت ذروة جناني ذروة جنانك

ابا اسرّح جنون العشق اشد خطامها شدّي

واشب اقصا ضلوعي لك وابحرقهم على شانك