تقاعدْت والا ما تقاعدْت ياذِيبان

على راس تاج المرجلة عرش سلطانك

يمينك بمدّات الوفا تفتخر نجران

وعلى عالي المرقاب رزّيت نيشانك

تربّى علي يدّيك جيل (ن) من الشبّان

وفي كل ما قدّمْت الاخلاص عنوانك

وجتْ ساعة ( ن) تعطي الرسن خيرة الفرسان

وَلِك ترفع البيضا على راس غُمدانك

تبدّل على جاري الوظيفة بسرج احصان

ولا زال نبع الخير تسرج له احصانك

تجدد مع الايام وابشر بعلم (ن) زان

طموح يراوس للجدي واطلق اعنانك

لك آسوق جزلات المثايل من القيفان

وسرى هاجسي ياابو حسام ( ن) على شانك

وانا بااطلب الله لك مع حزّة الاذّان

يمدّك بعون ( ن) مِنْه يا محزم اخوانك