جعل حن ما نخلف السلم والنهج القديم

فالفعول اللي تشيّد منابر وايله

قلتها لا عنصريه ولا فكر ان عديم

وهضم حق الناس والكبر ماني شايله

ان كتبناالشعر نصغيه من نبع الصميم

ون نطقنا القول نثبت على دلايله

ما يغيرنا لناني ولا الفكر السقيم

علمنا للعز وحيى الفعول الطايله

والكرم فينا طبيعه لما شح اللئيم

والوفا والصدق نعطيه دون محايله

ولا نعلق كل تشريه في شخص وخيم

وتعتدل معنا بالنّوا وليهي مايله

قلتها لااقصد بها لا مديح ولا شتيم

ونيت ان حيه تنمّي النوايا الدايله

والله يرزقنا بتقواه والمبدا السليم

ون يجمنا بفضله ومن جمايله