اول كلامي بادي بذكر الله

اللي رفع سبع وسبع دحاها

جينا نشارك حفل خطلان الايدي

وبسم الله الرحمن في مبتداها

يامرحبا ياميرمالاح بارق

وما هل ودان المطر من سماها

الفيصلي تركي بن طلال المسمى

ولد الملوك اللي تنومس اسماها

معرب ملبين عمه وخاله

وعبد العزيز الجد حامي حماها

خيالة العوجا هل المدح والثنا

ستر الهنوف ان سلب منها غطاها

وخيالة العوجا كعام على العدا

ماقد ذكر من داس طارف حماها

صدقان للصاحب ولطامة العدا

وريف الضعيف الى وزي ثم نصاها

وكرمان يوم ان الليالي شحيحه

على الخوي والضيف غير قصراها

وكل الجزيره من جنوب لشماله

من الخليج ايلين جده وماها

حكم على الاسلام والكل شاهد

وكلن ينام وبندقه في خباها

الله يرحم مؤسس العدل فيها

عبدالعزيز اللي تعلا وجاها

ويامرحبا يامير عند ال عايد

عند الرجال اللي تكرم لحاها

ويامرحبا يامير عند ال عايد

شيوخ فعل واهل قول زهاها

عيال عود والنضا تدحم النضا

والخيل تقحم من حرارة لضاها

ثم جاب ماضي ترثة الجود والهدى

معتق رقاب موتها قد نصاها

افعوله الجزله صعيب نحصرها

من كثرها صعب علينا احصاها

مامات ماضي وناصر حي باقي

وحمد وغيره شلة من وراها

وعمانهم عايد وهادي وغيرهم

اهل البيوت اللي يذري ذراها

شعامل يردون حوض المنيه

وهواجر خزنة ظفر واتَباها

كم من عقيد طامع جندلوبه

راحت به الضبعه عشى لمن وراها

المدح لاهل المدح حق وواجب

يستاهل العليا غلام نواها

قلته وانا من راس قوم عريقه

مرية ولي الفحر بانتماها

حنيتمي متسلسل من بحيحي

اهل المهار الصفر في ملتقاها

وصلى الله وسلم على خير الملا

ماهلت قنوف المناشي بماها