دخلت في قصر وصكوا علي باب

صكوا علي باب بحره شواني

والمروحة فوقي تقلب تقلاب

يا والله الي ردها ما شفاني

لا خيروني فاي ودي بالاجناب

ودي بغارٍ فيته نفنفاني

بعيّنه بين أم فرقين وأكناب

وإلا بني كنفه وذاك المكاني

ودي بعد يدهله كل حنزاب

له شربة تبري غليل الضماني

عساه يسقيها من الوسم هذراب

ويمطر عليها من قنوف أرزاني

جعل الحيا يأتي على دار الأحباب

أهل الرباع مرفعين المباني

أهل الرباع مربحة كل جلاب

ذباحة لسمانها والمقاني

عقب صبيّ في البلد راح سيّاب

حول من المشراف صوب الطماني

لا هو بضمام ولا هو بكساب

ما فيه شيء من المعاني زياني

راعي خساسات وللتتن شراب

كنه من الثيران تيك السماني