على جرح الضماير والخفوق وقلبي المحزون

حدر دمع الموادع وانتثر من بين الاهدابي

وضقت وضاق بي وقتي وضاقت بي حدود الكون

وتوارا الحلم ما بين القدر ويدين الاسبابي

دفعت القلب واحساسي وشوقي كلها عربون

ومحصولي بعد كثر المحبه حرق الاعصابي

من الضيقات واللوعات كن في داخلي غليون

لظاها يشذب عروقي ومنها خاطري ذابي

علي بالهون ياوقتي دخيل الله علي بالهون

كفايه منك ما جاني و عذّبني على مابي

سمعت اللي يقول ان الوصل لاهل الهوى مضمون

وسفهت اللي يقول اهل الهوى عوجان الارقابي

وعشقت وداخلي للحب لهفة عاشقن ممنون

قناعه بالغلا مدري محبه مدري اعجابي

وعشت وشفت بعيوني و وطاوع عقلي المجنون

وسلمت الامر لله ورب البيت أولى بي

وعزاي ان العرب عن قصتي في الحب ما يدرون

ولا يدرون عن لومي ولا شكواي وعتابي