روحي مع الريح 223 الله يسامح رموش عيونك الخجلا ياللي طعنتي الخفوق وسالت اشعاري وش في يدين الليالي ترتعش وجلا ؟ ولا جبت طاريك قالت حي ذا الطاري !! مع السحاب ارحلي والله ما يسلا غريب دارٍ يخيل البارق الساري وان كان عيني على الحاجب نوت تعلا طعنت وجه الجروح بخنجر اشواري روحي مع الريح جرحك يا ملاك اغلا ..جرحٍ .. غرس مخلبه في ثوب مشواري ومادام طعنة زماني مانوت تجلا اسألك عن ويش يا وقتي وانا عاري! عن ثوبي اللي تقطع قبل ما يبلا والا عن البندق اللي ما خذت ثاري !! او مهرة اقبلت تركض وهي عجلا اخيلها بس لا بايع ولا شاري يوم استدارت وسارت وانحنت خجلا أشعلت نار القصيد وتاهت افكاري
ملحمة نجران