لا تنبـش جـروح وســط الـجـوف مخفـيـه

يابـو علـي خلـهـا تكـفـى عـلـى شـانـي

الكاعـب اللـي شـكـت لــك حبـهـا لـيـه

ماداسـت خـطـى هـواهـا قـلـب ٍ اشقـانـي

صحـيـح حـلـوه ودلـوعــه ويـامـيـه

بـس الهـوى تبـت منـه بـعـد مــا جـانـي

هـويـت ريــم ٍ ٍولا ظنـيـت بــه زيـــه

مـن ذا البشـر فـي بعـيـد الـقـاع والـدانـي

فراقـه ارزى عـلـى مــن طـعـن جنبـيـه

وطيفه غدى شـوك علـب ٍ فـي ثـرى أجفانـي

يـا بـو علـي لـه رمــوش ٍ ظلـهـا فـيـه

ولـه قذلـة ٍ تحتـهـا نــور الفـجـر بـانـي

والعـيـن تفـتـن مـطـوع عـاقـد الـنـيـه

بـغـى يسـلـم فكـبـر حـســن ربـانــي

والشـعـر لـيـل ٍ يغـطـي جـيـد ريـمـيـه

ويلـف شـمـس ٍ سنـاهـا بــان واشعـانـي

والشـهـد رايــب وفــي ثـغـره دوا لـيـه

خمـر ٍ بطعـم العسـل مــا ذاقــه انسـانـي

ولــه شـفـة ٍ دون كــل الـنـاس ورديــه

مـا مسهـا يـوم ابــد مصـبـوغ الألـوانـي

ولــه مبـسـم ٍ لا ابتـسـم بـانـت لآلـيــه

عـقـد مــن الـلـول بــرده زاد واغـوانـي

والـعــود يـاخـيـزران ٍ بـايــن ٍ ريـــه

والنـهـد مـزمـوم كـنـه طـلـع رمـانــي

والخصـر ظامـر وصـدره فيـه لــي هـيـه

بسكـنـه قـبــري مـتــى مالله تـوفـانـي

مـافـيـه مـثـلـه خليـجـيـه وشـامـيــه

ولا وطـى مـثـل خـلـي بــا رض لبنـانـي

ولا بـمـصـر ٍ ولا ظـنـيــت حــوريــه

مثلـه أبــد لاخـلـق لا انــس ٍ ولا جـانـي

قـالـوا زفـافـه قـريـب ويطـلـب الـجـيـه

وده يشـوفـك ومـرسـل لـــك ببـرهـانـي

منديـلـه الـلـي مـعـك والـجـرح والكـيـه

هـذي براهيـن صــدق لـكـل مــا جـانـي

قـلـت ابلـغـوه ان فيـنـي مـنـه مـاريــه

وحـبـه خـسـف بالضـلـوع ودك وجـدانـي

واشــوف طـيـفـه الا هـبــت شمـالـيـه

واحـيـا بـذكـره وانـامـن غـيـره الفـانـي

ان كــان قـصـده مــن اللقـيـا وداعـيــه

فاخـاف مــن موتـتـي والـخـل باحظـانـي

وان كــان قـصـده سـوالـيـف ٍ غـرامـيـه

فـانـا قتـيـل الـغـرام وسيـفـه الـجـانـي

وجيتـه وانـا كــن قلـبـي جـمـرة ٍ حـيـه

وشوقـه لهـيـب ٍ بجـوفـي شــب شريـانـي

وأقبـل يـزم الخـطـى ( نـفـدى ) خطـاويـه

وعيـنـه تنـاظـر وشـوفـه مــا تـعـدانـي

جـانـي واظـمـه لـصـدري بـكـل حنـيـه

فارخـى علـى جـال صـدري دمـع ٍ اشقـانـي

قـال انكتـب لــي فـراقـك ويــش بيـديـه

غيـر احتـري مـوعـدي وأزهــب اكفـانـي

رح وان عـرفـت بحيـاتـك غـيـري بنـيـه

فاطلـبـك طلـبـه أبــد لا يــوم تنـسـانـي

واقـفـى وقلـبـي تـقـول بـكــف جـنـيـه

مذهـول كـن السمـاء طاحـت علـى لسـانـي

المـوت مـا مـات حـبـه والـوفـاء فـيـه

حـبـه يـزيـد وغــلاه اسـمـي وعنـوانـي

مـا قلـت لــك خلـهـا بالـجـوف مخفـيـه

اخـاف حتـى المطـر .. يبكـي علـى شـانـي