سلامي عليهم عد مالبو الحجاج

عزاز النفوس اهل الشيم والمرواتي

انا عقبهم كني سجينن يبا الافراج

خذا الموت شيبانه وعيا الفرج ياتي

يسجون خلق الله وقلبي ماهوّ بساج

عطوني دموع الشوق واقفو بسجاتي

وتعقد حجاجي عقب مانا طليق حجاج

وعفت العرب مره ولاهي بعاداتي

فمن ذاق ماذقته عذرني بدون احراج

ومن عاش ماعشته درا وش معاناتي

جبرني على الحاجه وانا ماني بمحتاج

زمانٍ يوردها على غير مشهاتي

وانا ماني بحاجة تجارة قصور العاج

انا خوة الطيّب كنوزي وثرواتي