سلامي لشغمومٍ على الحد سطّر مجْد

ابو سالمٍ يا جعل الانذال يفدونه

عميد المراجل وافيٍ في العَبا والجَد

من ال الجميل اللي المعادي يضدّونه

تقدّم لإخلاء المصابين بعْد الحَد

معه فرقةٍ للموت ماهم يهابونه

ونَصَرْه الولي في ساعةٍ والبلا مِشْتَد

تِجمّل وكبّر والمعادين يرمونه

تعزوى وعزّمها الظفر وانثى للرد

شجاعٍ تقلّد بدلة الحرب وفنونه

لما قوّس البارود ثم بان نِدّ لند

تدوس المخاطر فرقة الموت مجنونه

عزاز النفوس تسوم الارواح يوم الجِد

تسابَق على العِليا وللموت يشرونه

على وقعة الخوبة من ابطالنا يِعْتد

من الجيش له نوط الشرف عِزّ يعطونه

وسِتْرَ البِنيّ اللي له تشوم صافي الخد

تْغطرِف بفعل محمد (ن) كل مزيونة