انا سليل الدرع والطاس والسيف

من روس قومٍ ماتهاب المنيه

تاريخنا مايقبل الكذب والزيف

تاريخنا بالرمح والبندقيه

ترثة وعيل مجملين المواقيف

اهل الكرم والطيب واهل الحميه

من روس قومٍ فعلها بالمشاريف

يام الكرام معقلين المطيه

يام الحلام منومسين السواليف

فرسانها تقبل سريه سريه

اهل الرمك ومضمرات السراجيف

واهل السيوف الحدب والصيرميه

كم من عقيد في دقلهم لقى السيف

يوم النهب والظلم والعنجهيه

مدقالهم يبرق كما بارق الصيف

ومفزاعهم وبلٍ ترادف انويه

امفندين الهرج قوم ٍ عواريف

واهل الحجج لاصعب حل القضيه

نسكر على صوت الفشق والمواريف

وعروقنا برض المراجل نديه

فزعاتنا تشفي قلوبٍ مشاغيف

ومداتنا تشبع ابطونٍ خليه

من فضل ربي مانعرف التحاسيف

وعزومنا على الشدايد قويه

عداتنا يوم العسر نكرم الضيف

يبشر بحيل الضان والشاذليه

ولاخوي الجنب نرفاه ونعيف

من دس راسه لا تضايق صليه

قصيرنا يامن ونعطيه عالكيف

والرجل منا مايخون بخويه

من دون شك الذكر مافيه تحريف

العلم وافي والروابع نقيه