ملحمة نجران
مابين صدري والمقابر علاقات |
بالاسم والمعنى ودفن الضحيه |
الفرق بن المقبره تحضن اموات |
ونا دفنت اشياء باالصدر حيه |
دفنت حبك عن هروج السخافات |
ودفنت شوقي عن عيون البريه |
ودفنت في صدري غرابيل وأهات |
واسرار نفسٍ من زمنها شقيه |
أمنتك الله يابعد راس الابيات |
ياملهم ن قافي صباااح وعشيه |
ان حل بي طاريك وقفت بسكات |
وان زارني طيفك عطيته تحيه |
من زود حبك ماحسبت المسافات |
ومن زود شوقي ماتهم المنيه |
مدري علام القلب يهواك بالذات |
وعروق شوقه برض حبك نديه |
يمكن لانك كنت اول بدايات |
حبه وأنامديت به لك هديه |
ان قابلك ضمه وقل له سلامات |
لانه قبل يومين صابه شظيه |
تذكرك وانهار والنزف حسرات |
على زمااانك والعلوم النقيه |
ولملمت ماصابه من إهموم وأهات |
ودفتنها بالصدر يازين حيه |