صرفت وقتك في المراجل وحققت

أهدافك العليا بنيل الشهاده

وصبرت ياخالد عليها ولا خِبت

واللي صبر مثلك يحقق مراده

ورفعت راسي بين الاقران لاهنت

وحققت مطلوبي وفوقه زياده

لانك سليل العود ناجي لماقلت

انا ولد ناجي زعيم الرياده

ماخاب من خلف رجال مثلك أنت

ولا خاب من عطران الشوارب سناده

اخوانك اللي في لزومك لما قمت

عطية المولى كريم الوفاده

تستاهل التكريم يومك بعد فزت

وصار التميز في مسيرتك عاده

خدام ربعي اليوم في كل ما جبت

وقلبي تشعشع به بروق السعاده