عشقته مثل عشق الملوح 474 عشقته مثل عشق الملوح وضني زود وحفضته من الزله واداريه واغلنه غلاته مثل حب الصغير بقلب العود لما ضيقو صدره وشافه ضحك سنه عديم الوصايف والشبه ماهو بموجود تميز بزينه والطبايع تحلنه سرق قلبي وقلبي معه ضايع ومفقود وشكيته علي اهل الدين لكن برنه وقالوا حلاله وانت شاهد ومعك شهود نصيبه ولا لك حق فالشرع والسنه ابو مبسم ذابل وعينن هدبها سود وكن البدر من نور وجهه خذا منه غنوج تدلع وان مشت كنها بقيود واذا هبها الغربي فضح ماتخفنه تمايل بعود راوي فيه له عنقود وليل تنثر فوق الامتان غطنه الا واهني اللي خذا من الضما قرهود زلال عقب ماذاق من لاهب الكنه ظروف الزمن قشرا وحبل الرجا ممدود وظلم الليالي عزي لمن توطنه جبرني علئ الفرقا وانا ماني بمحدود وسن الفراق اللي تمنيت ماسنه ورحت بطريقي والزمن جاحد ومجحود تلاعب بي سنيني مع الحظ والمنه فدام العمر مره ووقت الفتئ محدود فلا خير في عمرٍ همومه تولنه باسج النفس مادام لي غايه ومنشود وصدري من الحسرات والضيق باحنه وباصل ديارٍ تطلق حجاجي المعقود بها علاجي اللي داه ماشي داونه وجور السهر والضيق والبعد والمجهود فلا طاولت قلب ولا هي توفنه ودام الله الوالي ولا غيره المعبود طلبته من الغفران ما دخل به الجنه
ملحمة نجران