الا شفت نوض بارقه مقتفيه غيوم

مقاديم مزنه ماطره حزة العصري

تذكرت لي غالي على شوفته محروم

شبيه لمقاديم البراريق محتكري

على شوفته اطرب واغني واجيب علوم

كما يطرب الممحل على شوفة المطري

مضى مامضى يالله مع المقبلات بيوم

اجيله ولا انا احسب على جيهم نكري

وانا قلبي ادرى بان لطيف الحشا مغروم

وحبه مثل حبي وفكره مثل فكري

ومادام انا ادرى ياهل اللوم كفو اللوم

من زود الحكي قلبي غدا منكم طفري

الى من ذكرته حزة النوم عفت النوم

والى ريت باقي اشياه دمعي غداء نثري

الا ياكحيل الطرف مافيه زود علوم

تبي المختصر ياقايد الريم والعفري

وعشان نتفادى قول راعي الهوا محروم

وعشان العواذل ماتجي بدربنا حجري

نزيل الحجر ونقول مافات ذا مقسوم

نسامح بعضنا لو على مذهب الجفري