اربع طعش فبراير العيد عيدين

وقلت اشتري لك يامحمد هديه

قلت اسلمي لاكن على ويش تهدين

ويش السبب يومك هديتي عليه

قالت بعيد الحب عيد المحبين

حبيتي اعبر عن شعور شويه

قلت الخطاء ويخالف السلم والدين

وتحسب علينا لارتكبنا خطيه

الحب عيده خابره للمسحين

والمسلمين العيد فطر وضحيه

قالت مالومك من تحجارك الشين

قديم تمسك دقتك لاوليه

انت بدوي متحجر العقل مسكين

عقلك تحجر من حليب المطيه

قلت انتي اخطيتي علي ليه تخطين

ماعد به شيمه ولا مقدريه

حن بدو للمجد والعز راقين

ماحن نعود للعلوم الرديه

حن بدو يابنت وافين وافين

الرجل منا يحتمي به خويه

حن بدو شجعان كرمان جزلين

ساس الوفاء فينا وساس الحميه

حن بدو وقت المعرك شياطين

اعزومنا وقت الحرايب قويه

خلاص يكفي ماذكرتيه تكفين

يالتني حبيت بنت بدويه

من شان لا سولفت ماغير الشين

ولاااتعبث في حروف ابجديه

اكبر مصيبه بالزمن كان تتدرين

لاابن البدو لعاش حب احضريه