عينت أنا بعض الشجر ما يجي له فيّ 

ولي طال منه الظل ما أحدٍ يقيل فيه

وعينت العمى ما وده أحدٍ يقول عميّ 

يقول السنع عندي ويبغاني أخاويه

حليف الغوى لي جاء يبي يلوي ذراعي ليّ 

حذفته هناك لي بغى الغوى يغويه

ولا هو يضيع عرفنا إلا عياة العيّ

جميع الكلام الزين والصدق ما يرضيه

وهل العيشة الي يفحسون الخميد بنيّ 

حلف النفاق يغدي الضيف ويعديه

يحط المفطح ثم يسمي عشاه عشيّ

وهو ساجن الموجبة والسنع مخطيه

ومن قلت مذنب قال أنا مثلكم يا خيّ

قلت الزمان الشين سفحنا يا هيه

كم واحدٍ لا هو بشيء ولا له شيء

جبرنا الزمان نشور رايه ونداريه

وكم وافي لما توفى فضحه الحيّ

ونزل مقامه وأرخصه عند من يغليه

ولي قالوا أن الكذب عن الكذوب شوي

لكونه شوي كان قد كمل من تاليه

مير يقولون أهل الأمثال كل مرض له كيّ 

لكن الحمار إلي مرض ما عرفت أكويه