فتنة الدنيا 173 قلبي اللي كل ماقلت هون وستراح من تفاكير تلوفه كما لوف الهبوب ان لفتني بالمساء وان لفتني بالصباح لالفتني ماعرفت الشروق من الغروب السبب من وقتنا اللي كثُر فيه الجراح مختلف بالنوع مابين غاصب ومغصوب لاسلمنا من بعيدٍ لفتنا في المرِاح مثل ماقل المثل بين منهوب ونهوب والعرب مشغولةٍ تلم قبل الانسداح مختلط حله حرامه طعام مع شروب الامانه في يد الي جعل منها مزاح والشوير اللي قريب محاميِ وكذوب يازمان العولمه وش بقى منك وراح كل فتنه لاتعدت تقفاها شبوب فتنة الدنيا وقد هي على حد المداح نلتمسها كل وقتٍ وهي بنت لعوب اضحكت الله يكافي شرور الانفتاح والعرب مابين ساكت والاخرله نحوب من علامات اخر الوقت تشتد الرياح لد سمعك واطلق الشوف في كل الدروب نزعة الهيبه والاسلام يطعن بالرماح والاراضي قاحله لو المطر فيها صبوب يالله حسن الخاتمه وتعز من قام بصلاح وارتقى بدينك للافاق وللناس محبوب وتحفظ البيت الخليجي على العز وفلاح امة وحده بالاسلام واكفيه الحروب
ملحمة نجران