بسم الله الرحمن في مبدا الكلام

ثم الصلاة على النبي خيرالأنام

صلو عليه وسلمو ياحاضرين

صلى الله وسلم مع مبدا الكلام

ومن بعدها يافكر راسي وش تقول

اليوم يومك هات من زين العلام

بيوم الوطن فرحة وذا قول صحيح

وشلون مانفرح وذا اشرف مقام

اشرف مقام اني وقفت امامكم

واقول بمن هو لايضيم ولا يضام

قبله اجدد سيرة الجد الكبير

اللي حكمها بالخناجر والحسام

جاسم بن محمد بذا اليوم العظيم

هو المؤسس نحتفل به كل عام

18- ديسمبر بذا اليوم الكبير

اعلن بدولة بعد تطبيق النظام

فارس محنك شاعرومقدام قوم

ويطبق السنه شجاع بالصدام

الين مات وهمته ترقى سنود

مايخشى غيرالله ولوفيها عدام

وتسلسلو من بعده ارجال فهود

والكل منهم رايته ماهي تضام

الين وصلت عند ابو مشعل حمد

وصعد بها فوق الثريا للغمام

حتى اصبحت في مثل ماحنا نشوف

درة بحر مصيونة على الدوام

من هيبته سحم الضواري ماتبين

كلن هجد حتى خفافيش الظلام

وقام يتمشى بين شعبه والمقيم

متنوكب بشته وباليمنى سلام

اليوم هذا اليوم وانا من الشهود

في شارع الكورنيش مع كثرالزحام

كلن يبي يسلم عليه ولو بشوف

صغار وكبار الخلايق ياسلام

الله يحفظك يأميرالشعب دوم

عدلت في حكمك ونلت الاحترام

وولي عهدك هو يمينك يأمير

هذ الشبل من الاسد نسل الكرام

تميم لاقالو مكثرة اللجاج

قوله يهجد قولهم مع الالتزام

له نظرة عليا وله قلب عطوف

وله ضربة توجع الى اشتد الخصام

قلته وانا افخر مري من صلب يام

لازعزعو يام العريقه جاو يام

حنا جنود للوطن نفدى الامير

لاقامت الهوجى وقيل الموت حام

ان مامضى منا افعول من قديم

يشهد لها التاريخ والناس الحشام

قريب في الخفجي وذا قول صحيح

غير البعيد اللي يذَكر من عوام

والاترى حنا مانستاهل مديح

وقول بلا فعل علي ذكره حرام