سلام الله على الدرع الجنوبي محزم الشدات

فخر هذى الديار اللى تفوح بريحة اطيابه

سندنا لا شتكينا مالحمول وشحت النظرات

يجي مثل الكريم اللى يفز لشوفة احبابه

والا منه رقى فوق السحاب وحانت الوقفات

غدى كنه الفريد اللى ركز لعداه مخلابه

عدوه كل ماشافه تذكر هادم اللذات

وخويه يفتخر بين الرجال ويفتل اشنابه

جمع كل القلوب اللى قبل وقته قلوب اشتات

وخلاها بعد طول الفراق تجيه منسابه

سلام الله عليه عداد هتان المطر لاسالت

وعدد ماتنبت ازهار الربيع وتنبت اعشابه

سلام(ن) يستحقه من يمينه تفعل الطولات

ومن يعطى عشاه لمن يجيه وماقفل بابه

الا من شح غيره بالعطايا يعطي الجزيلات

ولا من نام حراس الوطن ماغمض اهدابه

له الطاعه وله حق الولا منا كريم الذات

مثل مللوطن حق(ن) علينا نحمي اترابه

الا يادرع منهو تنخيك ويطلب الفزعات

الا ياتاجنا اللى من عظيم الملك نزهابه

محبتنا تجي مختارتك ياسيدي بالذات

على وضح النقا نعطي الوفاء والحق لاصحابه

ابونا وانت اخونا والعقول اللى بها ميلات

نخليها لا اجل عينك يبو نواف نرتابه

لك الحب الكبير ومن عطى روحه ترى مامات

لا اجل غاليه يامشعل يهون الموت واسبابه

ولك يامشعل بن سعود منا صادق الوقفات

الا من جفت اوراق الزمان وكشر انيابه