جعل السحاب اللي مزونه مراديف

وبرقه يعقرب في مقاديم غيمه

وبله حقوق وطيبٍ وله تواصيف

تمطر هماليله بدار كريمه

يمطر على غشام وهاك المشاريف

دار لبو خالد ورثها قديمه

جاسم ولد خالد زبون المراديف

لاخولف الهابي يذب الخريمه

راعي يمين تبذل المال والكيف

وظهور حيران وهرافى مقيمه

وسمن عرابي فوقها بلا تكاليف

ومهيلات وعود يشرى بقيمه

من لابة ترد الخطر لازمى وشيف

ماهي تفرق بين صبح وعتيمه

اهل البيوت الي تذري من الصيف

وان جى الشتاء كن مكينٍ وديمه

من اهل الوكير اللي يهلون بالضيف

وجيرانهم في راس عيطى حشيمه

مدحي لبو خالد ماهو مدح توليف

قولٍ وفعول مرمسات وشيمه

طيب الجناب وطيب خوه مع ريف

واللي براسه زود يكسر بريمه

ومدحي لبو خالد بعيد عن الزيف

من قدم الحسنا يجازى العظيمه

في مامضى لجدي وجده مواقيف

خوة شرف عاد الغريم وغريمه

لو كان في نعمه على البر والسِيف

عيشة رغد وامن وامان ونعيمه

العُود ينبت في مكانه تخاليف

على العهد نبقى بقوة عزيمه