كل ماضافت الدنيا لربي شكيت

يا الله يارب تقضي حاجتي وطلبي

يا الله عفوك ولا غيرك لعفوه رجيت

يا سريع الفرج ي واسع المطلبي

كل ماضاق صدري في المبادي رقيت

ليتني مابديت اليوم في مرقبي

ذكرتني صواديف الدهر مانسيت

وعوفتني برأس المال والمكسبي

صاحب العقل مايشره علي لو بكيت

من هواجيس لا تحصى ولا تحسبي

كل ماقلت بلقى صاحبي مالقيت

وكل ماقلت هذا صاحبي خان بي

كم رفيق معه عنده اللوازم وفيت

وكم رفيق لما جاء واجبي رث بي

أحسب الوقت ياتيلي ع مابغيت

وأثر وقتي بيجبرني ع اللي يبي

ياهلي شاب رأسي عادني مادريت

واحسب اني على ماقيل توي صبي