لو كل عشق يدوم ما صرت مطعون

ولا جبرني الشعر وأنضم حكاياه

ولا سهرت الليل بآهات وشجون

ولا سقاني الوقت مر المعاناه

ولا أنفطر قلبي من الهم مغبون

ولا هجرني الخل والروح وياه

ولو كل ما يطري على البال مضمون

ما كان كل يسب حظه بدنياه

لا شك ليت عذبت قلب مجنون

تعطيه ما شافه بحلمه ولا جاه

تضحك عليه أيام وايام محزون

تأخذ رجاويه بعيد وتنساه

واللي ذبحني أنه مصدق لها عون

ما يدري أنها عزوة تكسر الجاه

صحيح ما لومه مولع ومسكون

وقلب سكنه العشق تكثر خطاياه

تايه ببحر كله أمآل وظنون

عل وعسى صارت علامات مرساه