لا تناظرني بنظرات غريبه

العيون يهزني لمحة بصرها

ما هقيت ان نظرة العاشق عجيبه

لين شفت العين غرقان هدبها

وقتها صديت عن وجة الحبيبه

خفت دمع منهمر يحرق نحرها

والتفت ولهفة العاشق مصيبه

ما شعرت ألا ويديني تحتظنها

واكتفيت بلحظة أعناق رهيبه

شبت النيران بضلوعي لهبها

وانتشر شعر المها فوق التريبه

وش خيوط الشمس في بيحة سفرها

والتقى قلب المولع بتعذيبه

ساعة ياطول ما كنت أنتظرها

رحت اذكرها بوقت ننتخي به

في زمان فات من غربة وطنها

يوم كنا ننتظر حتى المغيبه

والسحايب فوقنا تنثر مطرها

ساعة اللقيا بلهفتها صعيبه

والفراق أصعب ولكن من سببها

هو أنا أو أنت أو دنيا حريبه

تاهوا العشاق من بلوى دهرها