بيت الشاعر عبدالله الهذلي

 يقول :

جهز متاعك وإنتظر طلعة سهيل

ميعادنا طلعة سهيل اليماني

مجارتي له

ياشاعر الحكمه بعد مانجلى الليل

لقيت لك بيت غزير المعاني

تضرب مثل بسهيل قاف وتماثيل

وتبقي مجارتك على نوع ثاني

الله يزينها على الناس بالحيل

ويجمع قلوب حبها بالمحاني

ونقرب اللي يقرب البعد ويزيل

هم على صدر المشقوى زماني

عشان تزين البهرجه والتعاليل

في خايع نبته زهر قحوياني

وريح الخزامي بالعشي والمعاميل

متخالطه تملا ركون المكاني

وسوالف بين النشاما وتماثيل

ذربه وتكرم من هروج الهداني

هاذي طراة البر ياراجي سهيل

يالطلحي اللي فاهم المعاني