وأنا ابن فطيس تظهرني ذراعي

كفو يابو حمد ذرب المساعي

كفو ياعاسف جزال المعاني

ليا عاصت على غيرك وضاعي

تخزم جزل المعاني وتخطمها

ومدارات الفكر عندك وساعي

ليا صعبت على الشاعر ولكت

وفي الأسهاب ماعاد استطاعي

تجيك احلى القصايد مثل وابل

قنيفٍ لاح برقه واستشاعي

رعد فكرك بها وأملى على ايدك

وصرنا غصب نحسن لستماعي

يوم ان غيرك اذا غنى وسولف

اغيًر موجة البث الأذاعي

لأنك شاعر ابداع وجزاله

وأيضاً شاعر الدفع الرباعي

بيوت الشعر من فكرك تدًفق

نهر جزلات من دون انقطاعي

وأنا جيت امدحك لأنك سلالة

رجال ماتصيد الا السباعي

ظهرت وبان نجمك واحتميته

بجزل ابداع واصرارٍ شجاعي

ولا استغرب عليك انك مميز

حسب فكري ورأيي وانطباعي

أبيك الرمز لك وأنت احتذيته

حسب عرفي بأبيك واطلاعي

وجدانك هل الوقفات تثبت

بساعات الحرايب والصراعي

مثل قول ابن سمرة في المرضف

يخلي الهجن تقبل كل ساعي

وحن ربعك لما ضاقت لفينا

تضيق افجوج الأرض من الفزاعي

اقوله بأسم مري وأسم عجمي

وأسم يامي يلبي كل داعي

وأنا يامي وأمثل آل مطلق

امثلهم بصوتي واندفاعي

ياكم من موقفٍ به جملوني

لما ضاع الحكي والصدق شاعي

وحن ابن فطيس وأبن فطيس حنا

لما نادى نلبي له جماعي