مرحبا عِد برق لاح وخيالي

وعِد ما هل مزنه من علاويها

ناصر يا عريب الجد والخالي

صلب ابوي وضنا عيني وغاليها

ومرحبا يا عديل الروح ياالغالي

سيف هند نوطّي بها معاديها

طير ابوي وعزاويّه وغرمالي

فيك منّه وبانت لي مواريها

عودنا اللي لدرب الطيب مدهالي

ناجي (ن) كاسب الطولة وراعيها

يحتمي لي صفَق جالٍ على جالي

والعوادي ظفرها من عواديها

غير يا سِعْد من حاله مثل حالي

لابته في اللقا تِطرِب عزاويها

اعتزي بال مسرع كل عيّالي

واتنومس بربعي وافتخر فيها

عاد دعوى سَعَد يا هول الاهوالي

حي شوفة بني عمي وطاريها