خذ دفتر أواهامك وأضف فيه موضوع

وبين لكل الخلق ماكنت ناسي

قول الحقيقه علّها تنور شموع

وتنظف الدفتر من أوهام قاسي

وأثبت لي أن الوهم في دنيتك نوع

وأن الهوى والعشق ماكان ساسي

أقنعني أنه يوم لو تذرف دموع

ماهو من أسبابك تجرعت كاسي

وأني هني العشق مايعرف اللوع

وأني فريد فيه ياقو باسي

وأن كان ماتقدر على البوح من طوع

فأصبر على ماجاك من حد فاسي

وأسمع ترى قولٍ له أثبات مسموع

ومن لايقول الصدق في الحب أسي

مايكفي أنك خل والوصل مقطوع

ياكيف حبك صار بالجوف راسي

ذقت الشقى والهم والبعد والجوع

وأنت سجين اللي على الحب داسي

وش صار تشقيني وأنا الرأس مرفوع

عهد على ماني مغير لباسي

ماني تبيع لك أنا دوم متبوع

من يوم أنا طفلٍ وأنا أعرف مقاسي

أنصحك مادام الوهم فيك مزورع

عقلك حقيقه صار فيه ألتماسي

من فضل ربي ماعرف حبة الكوع

أسمع بها وأن جات لعبة كراسي

لو الزعل بين المحبين مدفوع

ماكان مثلي يشوف كل الماسي

ياليت لي قلبٍ من الصلب مصنوع

كان الصلع والشيب ماطب رأسي

خذ دفترٍ دوّن على غير موضوع

وأكتب لعنوانه توهام ناسي