مليت مليت والله واكتفيت

لاهنت ياخل قلبي صارحه

وش نيتك لي وقل لي وش نويت

هات الحقيقه ولو هي جارحه

رفضت غيرك وغيرك ماهويت

وضنيت روحي بحبك رابحه

وزرعت حبك بساتين وجنيت

شوك الامل فالورود الفايحه

سليت مني ومنك ماسليت

وبدوانك اليوم مني نازحه

خذيت قلبي ومنك وش خذيت

جرح لو اخفيه وجهي شارحه

احاول اضحك وكنّي ماشكيت

وتفضحني عيون ناس فاضحه

لو اقدر انساك والله ما بقيت

غير البلا النفس ماهي سامحه

واذا نسيتك نسيت اني نسيت

ونسيت ماصار منك البارحه

الله يجزاك مامنك لقيت

عشان تدري جروحك ذابحه

سعيت لك ليتني لك ماسعيت

هملتني والغريب تصافحه

كنت احسب انك بتفرح يوم جيت

يالين شفت الجفيا واضحه

الله يغنيك هذا ما حكيت

بستاذنك لو دلالك فايحه