هاضنى قاف(ن)قريته يوم عشرين رمضانـى

كاتبه شاعر سرت به ياهل الجـود أحسنيـه

أحسنى وكن قصيـده ليبـدا حرفـه وبانـى

لامع بروق(ن)تخاطف فـى جراهيد(ن)خليـه

ليت هيل وزعفرانـى قبـل ماقراهـا نهانـى

كـان قلبـى ماتذكـر بالقوافـى غشمـريـه

طفلة(ن)لامن لفتنـى كنهـا سـرب الامانـى

أوكما همال صيف(ن)فوق الارض القاحليـه

طفلة(ن) ريحة جسدها ريحة الركن اليمانـى

والطهارة ويش اوصف سيـدة كـل البريـه

لاقبلت حزات ضيقى بدلـت جـوى فهانـى

ولدبرت ماكنى الا مـن توجـع مـن كويـه

وجههـا وياشعرهـا أنخلـق منـه الزمانـى

ليل يولج فى نهار وشمس تولج فـى عشيـه

وخشمها ماكنـه الاعايـر السيـف العمانـى

وفمها دبلة خطوبه فى كفـوف (ن) ناعميـه

وسحرها اللى بالنواعس ويش سحر المسلمانى

مايفكك من سحرها ألف مصحف فـى رقيـه

وصوتها لامن دعتنى يشبـه انغـام الاغانـى

أو كما ورقـا تغنـت مـن حمـام الراعبيـه

ولنثنـت ماكنهـا الا عـود ريحان(ن)ليانـى

ليمزح ويا الهبايب حـزة عصيـر(ن) وفيـه

لجلها قلبى لك الله عاف صـدرى والمحانـى

وعاف عرش(ن)به تعلا فى الضلوع الناحليـه

وانتحى ليها خفوقى تارك(ن)صـدرى يعانـى

تارك(ن)قيعان صـدرى يابسات(ن)جرهديـه

ومن سنه قلبى لك الله ليـن يومـك مالفانـى

عايش(ن)قلبى غرامه فى كنف ذيـك الصبيـه

كل واحد فى صيامـه يذكـر الله برمضانـى

وانايابـدر اتذكـر فـى صيامـى غشمريـه

ليت هيل وزعفرانـى قبـل ماقراهـا نهانـى

كان كتفى ماتحمـل فـوق ذنبـه لـه خطيـه