هيه ياوقت مضى لي 261 لاذكرت اللي مضى لي بالليالي الاوليه تذرف العين الشقيه دمعها ياهملالي هيه ياوقت مضى لي لو اقول اليوم حيه خايف يغضب علي رب البريه في مقالي راضين باللي قسم واللي كتب ربي عليه وكل مسلم راضي(ن) باللي كتبه له لاجدالي هيه ياعمر مضى لي والليالي جرهديه هوكتب لي فيه خير اوهو من الحسنات خالي ولولا حسن الظن باللي خالق(ن) كل البريه يغفر اذنوبي لاكان اصيح من شي طرالي والليالي يابن ادم دائرتها سرمديه مالفت به دبرت به من رخيص ومن غوالي والصبر محمود بالشدات والنيه مطيه وكل حي(ن) يرزقه رب البرايا مايبالي من يطاوع نفسه القشرا توريه الأذيه كون تامر له بخير يكتسب فيه العوالي ماكتب لك جاك حذرا لتقل هاذي وذيه لو ولو ماتمنع الاقدار شرق(ن) او شمالي ماعلى الدنيا عتب دام اسمها الدنيا الدنيه وتاليتها خرقة(ن) بيضا مع اتراب هيالي والرفيق اللي يدلك للرزايا وخبث نيه البعد منه يزيد الروح خير وطيب فالي وان حصل لك واحد(ن) فيه المروه والحميه المراجل تاج راسه وان زهمته مايمالي حافظ نفسه من الأدناس واعزومه قويه سمعته تعجبك بالمجلس الى جا له مجالي ضم فيه ولاتضيع خوته وانوي نويه كان دلك خير والاماكسبت الا المعالي مايداوي راسي الخرمان كون الشاذليه وسط خاطي مجلس اهروج زواره اجزالي والمثل قد قال ياللي تبقي اعلوم طريه المجالس كالمدارس والنصايح للرجالي قلتها وانا احمد الله سمعتي دوما عذيه من ادروب تقصر الرجال واعلوم تقالي مانى ازكي نفسي القشرا على رب البريه جل شان اللي خلقنا في علوه والكمالي قلتها وانا احمد الله مابه اخلاف(ن) عليه غير هذا هاجس يجتاحني في كل حالي
ملحمة نجران