ارقُب زمانٍ له علينا تولام

مادمت صاحي وان غفلت احتملها

ياتيك من لاكنت تشناه باعلام

بفجيعة لك تو يبطي دملها

وخل الا منك عرفته من ايام

له صافي النيه مديم تعملها

ان قال لك قدام بتقول قدام

وتدري بخمايل ضامره من صملها

واليوم دربه صعب كنك بالاعدام

لاجيت في درب الهوى لك طملها

يبغي يساير وقت قفى بالاحلام

وضيع مسواي خطوته ماعدلها

يسمع بعشق الناس في ماضي الايام

ويبيغي يجدد مامضى وهو سملها

والشحنه اللي قديمه قدلها اعوام

راحت مع اهلها الشريفه وابلها

من بعد قض الراس خلفٍ وقدام

يغذى بوزرها بريح بذرة عبلها

والان بالاسواق مع فون وارقام

وعيون ماتدري وشنهو كحلها

هذا زمان البلتعه واهل الافلام

وعلوم ماتدري من اللي فتلها

انا اشهد قلبي من علومهم شام

يكرم عليه دروبهم من جهلها