اترك هزال القول واقول جزله

لاني مع الجزلات مولود مولود

اقتل هزال القول مليون قتله

واحيي جزال القول والعز ممدود

شاعر واحب الشعر واشيل شله

شاعر واحب البر ومشاهد الذود

درب المراجل والله اني ادله

ربعي بني يامن هل العز والجود

ومنساك ياجدن بقلبي محله

همدان لاثور من القاع بارود

وافخر بجدي في قصيدي ياجعله

جنات ربي لاكلى جسمه الدود

وعيلي دبيسي خذ العلم كله

ربعي سلاطين لهم ذكر محمود

وعيل جدن مايعرف المذله

جدن له التاريخ ماهوب محدود

ان كان للتاريخ بندق وسله

وان كان للتاريخ بيرق مع جنود

فحنا جنوده بيرق العز شله

وعيل جدي يوم كلن له جدود

وجدي بشير ان مات مامات فعله

شاعر وذكره حي مامات موجود

شاعر يعقد القاف ويرجع يحله

ويسرج خيول افكاره البيض والسود

ونا بعسف الفكر والشعر اهله

واغوص بحر الشعر بالفكر واجود

شاعر ولي فكره ومبدا ومله

وكلن على الطاروق يطغى به المود

مره على بحر الهجيني ومله

وارجع على بحر الهلالي ياداوود

ومره حدا بالقول دقه وجله

ومره على بحرن السوامر هل العود

شاعر ولي مبدا ومذهب ومله

مبداي جزل القول والمذهب الجود