يا الله يا عالم بغيب الليالي والشهور

خير من له بعد فرض الصلاة ارفع يدي

يا الله لا تجعل لزومي يجي عند امعثور

جعل لي جا لي لزومن يجي عند اجودي

جعلني عند المشوره من وساع الصدور

وجعل ربي ما يعوق اعتباري وسعدي

ودي اتعب للمشاكيل في شان وشور

من بحر جده إلى بحر مينا الأحمدي

نمدح الطيب ونفرح بوافين الشبور

من بدا من ربعنا في الجبل قلت ابعدي

انصح إللي من عربنا على نفسه غيور

والفهيم المنتبه ما يغره مقصدي

الردي لا يجلبك مثل جلاب الجزور

للمهالك لين تصبح يقال لك الردي

ولا تطيع إللي يحدك على دين الفجور

ولا تصير لناقص المعرفه خصم وقدي

خل من يدعيك للهاويه يدعو ثبور

الردا شين العواقب ويومه سرمدي

اختر الصاحب وجنب معاويد القصور

كل مخلوقن صحيبه على أثره يقتدي

الفتى نصفه لسان وتفكير وشعور

والفؤاد النصف والله يصدق مشهدي

ماعليك من المصافيح وطوال الظهور

دام ما به قلب ما يستفاد من البدي

من زمان آدم عليه السلام بكل دور

والخلايق تنتهي ف العمار وتبتدي

أزلياوامديا من أسلاف العصور

ما حدن عنده مسارن من الخلق أبدي

الحياة الها مدى والعمار الها زهور

والعنى ماله مدى والمقدريحتدي

ودي اسج النفس وآخر العمر امخبور

الله يرحمني لما صرت وحدي بلحدي

رحت أدور لي بلادن وخلانن جبور

مالقيت أفضل من اهلي وربعي وبلدي

ف الحياة ف النوايب وحتى ف القبور

ما يعز اسمي ولا يمسحه مثل اولدي

واثق الخطوه ملك ف المقر وف العبور

نصب عينه من جميع الجهات إلى الجدي

العقل تاج النظر والحياء ف الوجه نور

ليتني ما اسلم إلا على الوجه الندي

كل من قال اصبر اقول محسوبك صبور

وان تشره قلت قدني على الشرهه مدي

ومن رفع صوته علي وانفعل قلت امعذور

لجل ما يكشف قصير النظر بعد اجهدي

كل من قال ايش عنده من اطراف الحضور

قلت عنده رد فعلن وخلاه ايعدي

وانا متعود على سالفة رش العطور

اتحمل رشة الطيب ساعات اوعدي

من هروجن من دوافع نواياها تفور

ما بعد بيحت سدي ولا ضاق ازهدي

العطاشا تبرد اكبودها قبل الطهور

ما استمديته وما اديت في بوك اسندي

الله العالم بما ينطوي خلف النحور

ينصر أهل الحق ويرد كيد المعتدي

ما خلق ربي جميع الطيور من الصقور

ف الجبال وف البحر والجبوب الجرهدي

شتها ربي وسيد الطيور من النسور

وسيد الصفوه محمد بهديه نهتدي