يا وجودي على خوة قروم الشجاعه

خير لي من خوي المصلحه والهلامه

وجد من هو شموخ وطاح عند الجماعه

من على القاع ما تقدر تشله عظامه

وجد من له لزوم(ن ) ما تطوله ذراعه

يطلب الله يامر به كبير العمامه

وجد من له ذهيب(ن)ما درا وين قاعه

يخبره بين ضلعان الجبل والعدامه

واتجه للخريق إللي تعاوا سباع

وأختفت جرته والليل حده ظلامه

أشهد إن خير كنز(ن) ف الحياة القناعه

خير من رأس مال يعرضك للملامه

بعد ذلك على اللي ما نوى بالقطاعه

لي مرور الكريم وجيتي من شهامه

ي لطيف الحشاء ما ف الغلا اي انهزاعه

في مداه احترام وفي نداه ابتسامه

ما يشوبه خداع ولا تشوبه طماعه

ولايسوقك الى درب الندامه غرامه

في مساي وصباحي عند اغلى بضاعه

شوف صاف الجبين وشوف سكبة لثامه

الصخا في بنانه والوفاء في طباعه

والحياء في سلامه والحلا في كلامه

وليس نور الطبيعه مثل نور الصناعه

مثل شمس الظهيره والقمر في تمامه

يا زعيم الجمال القلب عندك وداعه

احتفظ بالوداعه يا وريث الزعامه

وجعل للوالدين ولي من الله شفاعه

في معية رسول الله يوم القيامه