ملحمة نجران يا وطنا والله انا كلنا في الطاعة
بالولد والمال والرشاش والجنبية
كل ماجات الظروف القاسيه فزاعة
ماتبين افعالنا الا في نهار الهية
دون حدك ماندور للعذر شماعة
ساعة الشدات لاغترة ولا طاقية
مشينا علي النضام نسير مثل الساعة
لين يدعينا الوطن بالطبلة الحربية
حزتن فيها نبيع النفوس بضاعه
سلعة نرخص ثمنها والذخيرة حية
كلنا يوم اللقا شراية بياعة
الامن والجيش والخيال والرجلية
ياوطنا لاتقول انا من الطماعة
والله انا فاللزوم اكفاننا ملويية
والعدو من فضل ربي مايرز شراعة
فوق قبرة نحتفل بالعرضة النجدية
الردي مدحور منا قصّر الله باعة
خايب مادام بيرقنا علي الدرعية
ياملكنا شرهة القايد على اتباعة
ثابت برقابنا لك بيعت شرعية
دامنا نفدي بلدنا من سماه لقاعة
من دمانا قبل ما نصرف من المالية
والعنيد اللي يعادينا نزيد صداعة
نرهقة في الجو والميدان والبحرية
والسيوف اللي على من رادنا لماعة
نصرتن للدين وانصاف للانسانية
ياهل العوجا نعاهد والعهود اوداعة
راينا محسوب قبل تضمنا الجنسية
والشعوب اللي مع قاداتها منصاعة
منتها الاجلال والتقدير والوديية
كل يوم في بلدنا نهضتن بتاعة
العدل مكفول والتنظيم والحرية
انتهض من زاد عزمة وزاد اقناعة
قادها عراب رؤيتنا بمسئولية
فيصلين شابه معزي بكل اوضاعة
بالشكل والعزم والاقدام والحنية
ياولي عهد الملك يامحزمة وذراعة
يامنير احلامنا من ظلمة الرجعية
والشكر للي حبانا باسرة شجاعة
اسرة منا وفينا والبلد محمية