ياالله وانا طالبك من قبل لشفاع

تغفر ذنوبي لانشدني قعيدي

لازينوا لي حفرة طولها باع

واصبحت انا وثل وربعي شديدي

يامل قلب كن فيه الوحا شاع

سرا به الهاجوس فرض بعيدي

قومي صخيف الذود حنت به جراع

ياخوفتي لاكان ذودي قديدي

قلب العنا متولع بام مرداع

يازينها ترعى نبات جديدي

يازينها بين الشغايا والارياع

والا تحدر لشفا والوجيدي

حمرا خطول الرجل والراس مطواع

ني الحنيني في ظهرها يزيدي

تفرح لما سمعت من البدو قراع

ومنذى صباح قد نووا بالشديدي

يتلون عرفة بارق تحتهم شاع

ماجاه كون الصيد والا المديدي

ربعي هل السمرا واللي غيرهم ضاع

يوم البيارق واختلاف الشديدي

نشري الطويله كنها البرق لاشاع

وناصل بها الهدف لو هو بعيدي

وحدودنا الفرعين في طرف القاع

حدودنا الفرعين علم وكيدي

ياللي تبي من حدنا شبر او باع

ابشر بضرب مفتقات الحديدي

ياربعنا اللي بالحسا واسفل القاع

اهل النخل ومهزعات الجريدي

ياوالله اللي ماتمالوا بالفراع

ولانووا من دارهم بالشديدي