يازين يامنقرش اكفوفك بحناك

انته ربيعي حيث غيرك دهريا

ولعتني يازين واحلم بلقياك

واشقيتني يازين هذا قدريا

ماطيق يازين التواصيف فرقاك

وان قدر الله فانت تحفر قبريا

ذكرتني بقدومكم تحسب اخطاك

سير الحمامه او ضُبيٍ عفريا

ياما سهرت الليل متلحف ارداك

وتقول مع صوت الفجر الحذريا

وياما وياما رشفة من شفاياك

شهد العسل ماصنعوه بعصريا

السر لاتبديه واحذرك واياك

مازاد عن الاثنين راح وهذريا

يفتح عيون الناس وتروح لاماك

وانعيش في هم وغمومٍ وخطريا

هاذي النصيحه جعلني ماتحلاك

مقفي وانا طبعي ماحب القشريا

من باعني بعته لو اعطيه الاملاك

يقفي ولا ينداش فيني فكريا