ياصالح العان والميعان مشهوره

وعان شيبان من قبله مقديها

ووسوم في العارض المنقاد منجوره

تدوسه الربع ماهمت معاديها

والرادفه غير فوق البير منظوره

والعد في القيض ماتسمع مناديها

ابلادنا من قديم الجد مذكوره

اسهالها والجبل مع جر واديها

وقحاف ماحدر المسنا على ثوره

كون النواعير والحشرة يناديها

من زينت الجال يسقيها على زوره

لى جت قطيع سموم القيض حاليها

يابود ليق على الامتان منثوره

شومى لمن طلبت العليا مقديها

شومى لمنهو سديد الراى في شوره

ايزين لمزين والخمله يساديها

البيض لخواني الضفران منثوره

و يعزها الله ويلبث من يعاديها

ياداعج العين يامتحسن الصورة

زاكي كرام تمشرح من شاديها

ياصالح اكتب لصافي الخد حاذوره

من شبحت النذل يوم انه يحاديها

ياالله من جادل ماشفت له جوره

لى جا نهار الخود تعجب مراديها

عوصه وكنها القمر لما سطع نوره

خيال حد الرمك يركب يقديها

يازين ذبت كلب والأرض ممطوره

والا خليقا يشرف في مباديها