ياغصن يلي بين لنهار ذاوي

وقاومت في صالي حما القيض وتطول

شوفك مع لغصان شافح وخاوي

وهي ماخذه طاقه من الجم وتهول

ولا شواها من صواليك شاوي

وتبغا انكسارك ما كفاها انك مذبول

وراس ان شموخه فوق ماهو بهاوي

لا ينحني عودك وبيمرك الحول

خلك على بعضك بلطراف لاوي

مادن منك صار بالحد مقذول

ولا ترتجي مخلوق ناج الغناوي

اللي يمد ولابعد مدته قول

ويعلم خفا خلقه وسره سماوي

ومفضلن شوف الحقيقه عن القول

ويعطيك حسب النيه اللي انت ناوي

ولمس من الدنيا مفاهيم ودلول

ولازم تعيش امال بعد الهقاوي

وخل الشدايد لمر ابا الجود وتزول

ماحد بعايش طول عمره شقاوي

والمستحيل المالك الكون معقول

وحرص على عروت وثيق العراوي

من لزمها ترفع مقامه على طول