يالله بحظٍ قوي وفزعتٍ منك

ياواحدٍ يبعث الموتى ويحييها

متغانين مني ومالي غنى عنك

والنفس في حكمم ومارضاك يرضيها

ماني غشيمٍ ولكن وقتي محنك

احاول ازين ظروفي ويعميها

ياصاحبي صاحبك باقي على ضنك

مبداه ثابت ولو شانت لياليها

لو حظه اقشر ووقته فيه متفنك

صابر والاجواد مايخلف هقاويها

لاتكثر اللوم فالحاصل علي كنك

ماتدري بحالتي واللي جرا فيها

الوقت ماحنني يوم انه يحنك

ودنياك لك صافيه ماشان حاليها

تضحك ودنياك تلعب لك على فنك

وانا تحداني وتعلن تحديها

اما اقبل العذر دامني مصافنك

ولا اقطع الصوت قبل امحق تواليها