يالله يا مطلوب يا سامع الداعي

‏طالبك ‏براق ليل ويوميه

‏طالبك ‏برق ن يجيله تشعشاعي

‏غب ‏سيله سامحات ن رواعيه

‏نشبح الطرعات في نبته اقطاعي

والعرب كلن يتابع شهاويه

وارحم اللي سهر والناس هجاعي

ساهر والقلب كثرت طواريه

من خطا ربع ن علي مالهم داعي

والخطا يوجع من العاقل شويه

ما انثنو لي بالقدا عقب لوجاعي

وكل عاني ما انثنى دون عانيه

من بغانى له رفيق وفزاعى

يعتدل ويخف ظرب القديميه

والهبل ياكم عذلته ولا ياعي

يترك النصحان ويزيد طاريه

لين تلزمه الشبابيك في ساعي

ثم يوقف في محل المحقريه

حن رجال وعيل للدين نزاعي

ما نخلي الدين يقعد لراعيه

حفنا نشعاه بوقوع الاشناعى

بالمصبب من وسط كل مسميه

ننزل الحدان بالمال والراعي

والجوير الله وصبيان يامي

نرتعى الخلفات فى كل مرباعى

وفى الخوف نجعل عليهافداويه

ونذري المجرم بليا تبيداعي

مانطاوع فيه قول العريضيه