يقولون ياابراهيم ماعاد سمع أغناك

وانا اقول فيني ياعرب مايكفيني

زمان يحوس اللي معه فالزمان ادراك

ونوبٍ يضحكني ونوبٍ يبكيني

لكن يارفيقي لحظهٍ مع مثل شرواك

على الحرام انها عن الناس تغنيني

يابو كلمه ارحب وابشر ابشر وعونك جاك

ياكم فزعةٍ تفزع بها ياحمر العيني

أعزك واعز اللي يعزك واضد عداك

واحط المراجل كلها بينك وبيني

لي بارو اللي عن يمينك وعن يسراك

تحزم حزامٍ فالقسا ماهو يليني

عسىى جاهلك ياصاحبي فالزمن يفداك

ويبلا من الصدقان والا المعاديني

مادامي على وجه الثرا لايبين اقصاك

وليا مت لُوم الموت ياصاحبي فيني