يابوك صكات الليالي كثيره

نوب تحدانا ونوب نحداها

لكن على ماقيل يالله الستيره

ويالله تجنبنا بلاها وغثاها

نوب تبات يقال مكثور خيره

ونوب عليك الناس تشذب عصاها

هي هكذا الدنيا ركود مغيره

الا صفت لك يوم ياتي بلاها

لكن اخذ مني مني وصاة وبريره

ان اقبلت دنياك جوَد أوكاها

تنفعك في غبر الليالي العسيره

تمد منها وبالغناة اتباها

ورجل يطاوع في اخوانه شويره

قباضة المحزم لو كثير غثاها

وربعه لو انهم من ضعوف العشيره

ظروفهم دايم عليه تحداها

ومن لايسامح في الأمور الصغيره

ماهو قد كبارها ويحماها

ولايقدر في الجماعة كبيره

وضحاكة المجلس يعجبه حكاها

ومن كان ياخذ في جفيره حفيره

جنب دروبه ومخاواته كماها

وارقى سما من الامور العثيره

وهرجتك هذبها يعجبك صداها

واسلم ودم وجعل امورك ستيره

والكامل الله والبشر بقرناها