يالله ياربي عليك التدابير

يامالك كون وسيع ٍ أفاقه

مسقي بلاده من سحاب مزابير

ورازق عباده بعد فقر وفاقه

تحفظ بلدنا من صدوف المقادير

ومن كل فعل فيه شر وحماقه

حضرت وهجوسي توارد من عصير

تقبل مثل بحر يزيد اصطفاقه

دعيتها فكره وكلمه وتصوير

ونسجتها شعر رفيع مذاقه

وقدمتها عند الوجيه المسافير

وغلفتها من وسط لعماق باقه

في عيد فطر جعل ينعاد بالخير

والعيد عيدين بشوف الرفاقه

جينا على داعيك حب وتقدير

يابو سعد راعي الوفاء والطلاقه

في المجلس اللي فيه شوف المناعير

ربعي موثقة الرفق والعلاقه

عند الدلال اللي بهيل مباهير

والعود لزرق فاح بعد احتراقه

وبين النخيل وبين صوت النوافير

كني بنهر النيل مصر العراقه

خلفي شعار النصر نادي الجماهير

وكل على رغبته ولا اشتياقه

حتى ولو زعلوا محبي المشاهير

شاعركم الليله يعزي اتفاقه

من بعد ماحقق بطولة أغادير

كاس العرب يوم ابتدت لنطلاقه

غير الزمن مابين ربح ومخاسير

يوم يزين ويوم ظلم ومحاقه

فيالمسلم الواعي عليك المحاذير

لايخدعك ضحك الزمان وبراقه

ماكل مايلمع ذهب لودنانير

حتى ولو سجل بسوق وبطاقه

من سنة الدنياء جديد وتغيير

والمجد تاصل له بصبر ولباقه

الفوز في الدنياء سجود وتكبير

والزهد لو مالك على الزهد طاقه