يامرحبا وعداد مابان القمر

ترحيبة كل القلوب تودها

عن لابتي يوم المدايح والفخر

للي بيوته فوق باحث نقدها

نعم البزي اللي لما اشتدت ظهر

من روس قوم الخصوم تصدها

هل فزعة فيها الطناخه والسطر

هبرية الغيم صافح مجْدها

من يمدح الوافين هو طايل شبر

يمناه في فعل الجميل يمدها

احمد حفيد احمد وللقمه مقر

صلب الجدود اللي ينومس سردها

سليمي ٍ من ال دسمه يشتهر

فزعاتهم مثل الحرار بهدها

أبشر خوالك صيتنا بين البشر

بيوت عز مالزمان يهدها

أخلاقنا وافعالنا عزم وصبر

ونفوسنا ماحن نبيح سدها

من غير نقص للعرب علم وقدر

وأرقى تحية شوق عانق وردها

ذا مختصر شعري وفي ربعي شعر

تصغي لاذان وللعيون تلدها